ថ្មីៗ​នេះ Archos ជា​ក្រុមហ៊ុន​អេឡិចត្រូនិក​ដែល​មាន​មូលដ្ឋាន​នៅ​ប្រទេស​បារាំង​បាន​ប្រកាស tablet ប្រើ​ប្រព័ន្ធ​ប្រតិបត្តិការ Android 4.0 Ice Cream Sandwich ស៊េរី​របស់​ខ្លួន​ដែល​មាន​ឈ្មោះ​ថា Archos 97 Carbon ជាមួយ​នឹង​តម្លៃ​ប្រហាក់ប្រហែល ២៥០ដុល្លារ។
Tablet ស៊េរី​ថ្មី​នេះ​បាន​បំពាក់​មក​ជាមួយ​លក្ខណៈ​សម្បត្តិ​ជា​ច្រើន​ដូច​ជា៖
- អេក្រង់ multi-touch ទំហំ ៩,៥អ៊ីញ​និង resolution 1024 x 768 pixel
- CPU ARM Cortex A8 single core ល្បឿន 1GHz
- RAM ទំហំ 1GB
- អង្គ​ចងចាំ​ខាង​ក្នុង​ទំហំ 16GB តែ​អាច​បន្ថែម​ទំហំ​បាន​រហូត​ដល់ 32GBដោយ​ប្រើ microSD card
- កាមេរ៉ា​ក្រោយ​ទំហំ 2 megapixel និង​មុខ​ទំហំ 0.3 megapixel (VGA)
- WiFi, HDMI
- និង​បាន​ដំឡើង​កម្មវិធី​របស់ Google មួយ​ចំនួន​ផង​ដែរ។
Archosបាន​បញ្ជាក់​ថា tablet  97 Carbon នឹង​ចេញ​លក់​នៅ​លើ​ទីផ្សារ​នា​ចុង​ខែ​នេះ​ជាមួយ​នឹង​តម្លៃ​ចន្លោះ​ពី ២៣០​ដុល្លារ​អាមេរិក​​ទៅ ២៥០ដុល្លារ​អាមេរិក។